Ruth Lillegraven har takka ja til å vera festivalforfattar under Falturiltu 6.-12. november 2021.
mm

Lillegraven debuterte som forfattar i 2005, og har sidan skrive ei rekkje bøker både for barn og vaksne.

For den første diktsamlinga si for barn, Eg er eg er eg er (2016), blei ho nominert til både Brageprisen og Kritikarprisen, og to år seinare kom barnediktsamlinga Skogen den grøne. I tillegg har ho skrive småbarnsserien om Mari og Magnus, og den ferske serien om Klodeklubben – spenningsbøker om miljø og klima.

I regi av Vossa Jazz og Falturiltu, blir ho å treffa allereie laurdag 27. mars, i Voss kulturhus, saman musikar, komponist og tekstforfattar Annlaug Børsheim, som har tonesett mange av Lillegraven sine dikt for barn.

Den nynorske barnebokfestivalen Falturiltu er den største barnebokfestivalen i Noreg.

LES OGSÅ: Ny bokserie: Ruth Lillegraven skriv spennande om miljø

 

Oppdatert: måndag 25. januar 2021 18.35