Regjeringa forbyr bruk av barn som tolkar og vil sjå nærmare på organiseringa av tolketenesta.
Barne-, likestillings- og inkluderingsminister Inga Marte Thorkildsen (SV) meiner at det er viktig at barn skal sleppe å vere vaksne.
– Det er noko i vaksenverda dei skal sleppe å ta stilling til og vite noko om. Dessutan har barn som tolkar inga opplæring i å fungere som tolk, seier ho til VG.
I fleire tilfelle har barn blitt brukte som tolkar for sine eigne foreldre både på sjukehus, i barnevernet, i Nav og ikkje minst på skular.
Dette skal det no setjast ein stoppar for, samtidig som den statlege tolketenesta skal under lupa for å avdekkje behovet for ei omorganisering.
– Vi ønskjer å ha fleire statsautoriserte tolkar, og vi ønskjer å utdanne og rekruttere fleire tolkar, seier Thorkildsen til avisa. (NPK)
