1. Videoforedrag (10 minutt): Nynorsk med dei minste:
Sjå filmen over der professor Eli Bjørhusdal ved Høgskulen på Vestlandet fortel om kva for særlege tilhøve som gjeld for språkarbeidet i nynorsk-barnehagen.
2. Åtte tips til ei nynorsk språkstimulering i barnehagen (15 minutt):
Les gjennom lista og diskuter i grupper på to eller tre: Kva for tips vil vere lette å ta i bruk i vår barnehage? Er noko av dette allereie innarbeidd hjå oss? Kva for eit tips inspirerte deg mest?
3. Vårt nynorskbibliotek (15 minutt):
Studer lister over nyare, nynorsk barnelitteratur.
Plenumsdiskusjon: Kva for nynorske barnebøker har de gode erfaringar med å formidle i dykkar barnehage? Til neste gong: Vel ut minst tre bøker du har lyst til å lese for borna i løpet av prosjektperioden.
Avslutning (5 minutt):
Sjå filmen om kulturbarnprosjektet i Sunnfjord.
Tilgjengeleg materiell for personalet:
Metodehefte kulturbarn Sunnfjord og Rapport frå Kulturbarn 0-8 år, Kulturtanken.
Pirionkurset er støtta av Utdanningsdirektoratet, og er også laga som ein del av Kulturbarnprosjektet til Sunnfjord kulturskule, støtta av Kulturtanken.
