Dagtavla er ein fin start på dagen

Mange barnehagar startar samlingsstunda eller fellestida på dagen med å snakka om kva dag det er, kva årstid, vêr og liknande. Dagtavla og vêrplakaten er eit utgangspunkt for samtale i gruppa og er med på å utvida ordforrådet og borna si forståing for tid og andre samanhengar i kvardagen.

Sjølv om barnehagebarn ikkje les eller skriv sjølve enno, får også dei viktige erfaringar med kva skrift er og kan brukast til. I barnehagar og skular i nynorskområde er det viktig å bruka nynorske dagtavler og biletkort – det legg til rette for at borna får skriftspråkstimulering på hovudmålet sitt. Desse plakatane er ein enkel variant som du kan skriva ut i A3-format og laminere, slik at du kan kryssa av med tavletusj.

Dagtavle (pdf)

Vêret i dag (pdf)

Dagane – ein song om vekedagane

Hilde Myklebust og Heidi Marie Vestrheim har laga ein song om vekedagane. Her finn du både tekst, illustrerte ark for kvar vekedag, musikkvideo, gitargrep, komp og innspeling av songen.